Иркутск, аэропорт, 6 часов утра. К группа прибывших, ожидающих багажа, подходит таксист и тут же разочарованно уходит к своим: “Ребята, здесь нам делать нечего, это писатели прилетели. Откуда их вообще столько взялось?”.
17 Международный Форум молодых писателей России, стран СНГ и зарубежья, который организуется Фондом СЭИП (Фонд социально-экономических и интеллектуальных программ), в этом году состоялся 11-17-го сентября на иркутской земле, рядом с озером Байкал - это родные места Валентина Распутина, которому в этом году исполнилось бы 80 лет. В форуме приняло участие 110 молодых прозаиков, поэтов, драматургов, критиков.
О форуме я узнала от друга и сразу же загорелась желанием поехать. Мне было интересно, как работают молодые писатели, хотелось заглянуть в чужую “поэтическую кухню”. Семинары на форуме проводят известные поэты, писатели, редакторы “толстых” литературных журналов. Было одно “но” - стихи я пишу на удмуртском языке. Чтобы попасть на форум, я вышла из комфортной для себя зоны удмуртского языка, попробовала писать на русском, отправила тексты, прошла конкурс. В Иркутск летела с огромным страхом - боялась, что стихи раскритикуют так, что перестану писать вообще. Но на семинаре журнала “Дружба народов”, на который я записалась, работа прошла очень продуктивно - мы скрупулезно обсуждали каждую строчку, каждое слово под руководством поэта, прозаика и переводчика Галины Климовой. Критика было немало, впрочем, как сказал на круглом столе, посвященном как раз состоянию современной критики, главный редактор журнала “Наш современник” Сергей Куняев, “литература - дело кровавое”. Если хочешь стать серьезным писателем, нужно пройти не только через потоки похвалы, но и попасть под критический град - рост без этого невозможен.
Программа форума также включала в себя экскурсии по городу, посещение музеев, круглые столы, творческие встречи с писателями. Каждый вечер проводились открытые микрофоны. Я пересилила свою боязнь публичных выступлений и почитала стихи. Так что форум для меня оказался еще и местом преодоления страхов. Стихи здесь читали не только на открытых микрофонах. Обычный вечер: маленький номер гостиницы, народу битком, все, перебивая друг друга, читают стихи - свои и чужие, сочиняют экспромты. Выходишь из гостиницы, вдыхаешь прохладный воздух, на горизонте видишь полоску воды - это Ангара, единственная река, вытекающая из Байкала. Если верить легенде, Ангара сбежала от отца Байкала к своему возлюбленному - Енисею. А в этих краях легендам хочется верить.
Байкалэ - кылбурен
Гостиницалэн пичи висъетаз трос калык тулляськемын. Татын кузёяське Кыл: кылбуръёс чузъясько, литература сярысь вераськон киське. Кыре потыса, гадь тыр чылкыт омырез шокчиськод. Инвис пала учкыса, адӟиськод Ангараез - со одӥг шур, кудӥз Байкалысь потэ - вань мукетыз шуръёс та тыэ пыро. Мадёслы осконо ке, Ангара, пе, Байкал атаезлэсь пегӟыса, Енисей туганэз доры кошкем. Нош та палъёсын мадёсъёслы оскем потэ.
Егит гожъяськисьёслэсь калыккуспо 17-тӥ форумзэс СЭИП Фонд (Фонд социально-экономических и интеллектуальных программ) таяз арын Иркутск музъем вылын радъяз. Угось та дано ӟуч гожъяськись Валентин Распутинлэн вордскем палъёсыз - нош таяз арын солы 80 ар тырмысалыз. Иркутске ог 120 егитъёс вуылӥзы.
Форум сярысь мон эшелэсь тодӥ, со дырысен отчы вуылыны мылкыды ӝутскиз. Туж тунсыко вал тодыны, кызьы егит гожъяськисьёс ужало, соослэн “кылбурет кухняенызы” тодматскеме потэ вал, малы ке шуоно мон кӧня ке ас вакытамгес ужасько, кылбуран амалъёсы но огвыллемесьгес луо ини. Но форум ӟуч кылын гожъяськисьёслы гинэ радъяське, соин ӟуч кылын кылбуръёс гожтыны басьтӥськи. Зэмзэ вераса, удмурт кылын гожъяськыны мыным трослы капчигес - ки кӧня ке волятэмын ини, нош ӟуч кыл - копак мукет, аслаз катъёсыныз, нош кӧня ӟуч кылын гожъяськисьёс! Аслыд пичи ке но инты шедьтыны секыт. Кылем арын форуме монэ ӧз кутэ. Нош таяз арын, списокысь нимме адӟыса, шумпотыса тэтчай, ява! Кӧня ке шумпотӥ но, кышканы кутски - ох, туздырозы кылбуръёсме семинарын.
Форуме сюрес кузь гинэ вал - нырысь Муское поездэн мынӥ, собере - аслобетэн Иркутскозь. Лобоно ог 5 час. Часовой поясъёслэн воштӥськеменызы йырин нунал но, уй но сураське. Форумлэн нырысетӥ нуналаз мон, кузь сюресэз ортчем маке, туж жадемын вал ке но, Иркутсклы синмаськыны кынары тырмиз. Кызьы уд синмаськы? Татын Ангара шур бызе, татын мусо вашкала коркаос, вӧл-вӧл скверъёс, вож паркъёс… Форумез усьтонэз ортчиз выль лыдӟиськонниын, егит гожъяськисьёсты но мастеръёсты ӟечкыланы вуылӥз Иркутск улосвыллэн губернаторез Сергей Левченко но - солэн юрттэмезлы луыса форумез Байкал палъёсын радъяны быгатӥзы. Фондлэн кивалтӥсез Сергей Филатов шунытэн пумитаз егитъёсты - куд-огез татчы трос пол вуылэмын ни, куд-огез, мон сямен, нырысетӥзэ пыриськизы. Зэмзэ вераса, нырысетӥ нуналаз мон кышкай, чыртыме бералто шуыса - сомында дано адямиос мон вӧзтӥ ортчылӥзы: “зӧк” литературной журналъёслэн редакторъёссы, тодмо критикъёс, кылбурчиос, гожъяськисьёс. Арня ӵоже куд-огеныз мастер-классъёсын ужам, куд-огзэ котрес ӝӧкъёсын кылзӥ, куд-огеныз Байкал дуре омуль чорыг сиыны ветлӥм, куд-огеныз одӥг ӝӧк сьӧрын сиыса-юыса, вераськыса пуким. Ушъяськытэк ӧйлась.
Форумлэн валтӥсь ужпумез - выль нимъёсты усьтон, егит гожъяськисьёслы юрттон. Та форум пыр ортчемын али тодмо ини гожъяськисьёс: Роман Сенчин, Сергей Шаргунов, Захар Прилепин, Василий Сигарев но мукетъёсыз. Валтӥсь ужрад - мастер-классъёс. Мон гожтӥськи “Дружба народов” журналлэн семинараз, сое нуизы Роман Сенчин гожъяськись но критик (со проза гожъясьёсын ужаз) но Галина Климова кылбурчи, прозаик но кылысь кылэ берыктӥсь (со ужаз милемын, кылбурчиосын). Мастер-классын котькудмылэсь кылбуръёсмес пыр-поч эскеримы, вань шекъёссэ, тырмымтэоссэ шараямы. Котькудӥз аслэсьтыз малпанзэ вераз мукет кылбурчиослэн ужъёссы сярысь. Мон понна со туж пайдаё вал - куд-ог шекъёсы сярысь ачим но тодӥсько вал (удмурт кылын кылбуръёсылы но тупало соос), мукетъёссэ семинар бере гинэ валай. Мынам кылбуръёсы сярысь ог 2 час пала вераським - кӧня ке ушъямез кылӥ ке но, тросгес критиковать каризы, со дыре ик ӟеч кенеш сётӥзы. Али валасько - мыным со критика туж кулэ вал. Кызьы шуиз критикалы сӥзем котырес ӝӧкын “Наш современник” журналлэн редакторез Сергей Куняев, “литература - дело кровавое”. Оло, зэм но: курбон сётытэк, ӟеч автор ноку уд луы. Вань мастер-классъёс ортчем бере мынам кылбурет шоры учконэ трослы воштӥськиз.
Котькуд ӝыт радъяськизы кылбурет ӝытъёс. Котькуд мылкыд карись кылбуръёссэ лыдӟыны быгатӥз. Монэ нырысетӥ ӝытэ чорто вал но, мон возьдаськеменым ӧй быгаты потыны сцена вылэ. Кыкетӥ ӝытаз асме ворми но, кӧня ке кылбур лыдӟи ик. Мон валай, удмурт кыл дунне мон понна - аспӧртэмлыко “зона комфорта”, нош ӟуч кылын асме пыртос кадь шӧдӥсько. Ярам, та дырозь ӟеч эшъёс шедьтыны вуи, соос мыным юрттӥзы кышканлэсь палэнскыны.
Форумлэн пумаз йылпумъянъёс лэсьтэмын вал. Котькуд форум бере Фонд “Новые писатели” сборник поттэ. Мон туж пайми, куке монэ но мастер-классмылэн кивалтӥсьёсыз ӵектӥзы отын печатланы. Эшшо но золгес пайми, куке тодӥ, монэ Культурая министерстволэн стипендиезлы ӵектэмъёс пӧлы пыртӥзы шуыса (но соиз ӵектон гинэ, соин шумпотыны вазь на). Арня ӵоже - копак мукет улон. Кылбурет дунне пушказ выйытэ, чебер инкуазь йырез поромытэ, Байкаллэсь кезьыт вузэ али но чиньы пумъёсам шӧдӥсько на кадь. Асме зэмос гожъяськись шӧдыса бертӥ шуыны уг дӥсьты, дыр. Но мон егит шуыса, тыраз шӧдӥ - соиз зэм.
(Удмурт кылын статья печатламын вал "Дарт" газетын, куарусен толэзе потэм номераз)
фотографии Вероники Сурняевой
